Роналдињо поминува низ тешки денови

Бразилскиот фудбалер неодамна објави дека прележал коронавирус.

Меѓутоа проблемите за легендарниот играч продолжија откако ја напушти изолацијата. Имено, Роналдињо се огласи на Инстаграм и откри дека неговата мајка Мигуелина е позитивна.

Неговата 71 годишна мајка претходно имаше здравствени проблеми поради што беше дел од критичната група. Имаше симптими неколку дена, а тестот на крајот покажа дека и таа е заразена.

Роналдињо преку Инстаграм откри дека неговата мајка е во болница и дека ситуацијата не е добра.

„Мојата мајка е во болница на интезивна нега. Има коронавирус и се бори да се опорави. Молете се за неа и ви благодарам на пораките кои ми ги испраќате“, порача Роналдињо.