Милан спреми 30 милиони за Миленковиќ

Дефанзивецот Никола Миленковиќ беше мета на Милан и Интер во летниот преоден рок, но на крајот остана во Фиорентина.

Миленковиќ се етаблираше во еден од најдобрите стопери во Серија А, па Фиорентина за неговата слобода бара 40 милиони евра, сума која споменатите клубови не беа спремни да ја платат.

Проблем за „виолетовите“ е што Миленковиќ на крајот на сезоната ќе влезе во последната година од договорот, па неговата цена драстично ќе падне.

Италијанските медиуми пренесуваат дека Милан силно го посакува Миленковиќ во јануари, па веќе испратил понуда до Фиорентина.

„Росонерите“ понудиле 10 милиони евра за позајмица плус 20 милиони евра за откуп на крајот на сезоната.