Менаџерот на Манчестер Сити, Пеп Гвардиола призна дека играњето на голем број натпревари може да влијае негативно на фудбалерите и тимот.
Вчера „граѓаните“ со високи 5:0 го победија Барнли, но Гвардиола тврди дека фудбалерите полека ја губат радоста од играта.
„Проблемот е што фудбалерите ја изгубија радоста од играта. Порано игравме еднаш или два пати неделно пред публика. Сега на секои три дена доаѓа нов дуел. Ќе патуваме до Порто, па се враќаме и веднаш играме против Фулам“, изјави Гвардиола.
Манчестер Сити имаше проблем со реализацијата и во првите 8 меча имаше постигнато само 10 гола.
„Нормално дека треба да постигнуваме повеќе голови. Габриел Жесус се враќа и треба да дава повеќе голови. Но, головите зависат од целиот тим, не од напаѓачите“, заклучи Пеп.
Учество во игри на среќа е дозволено за лица со 18+ години. Играј одговорно!