УЕФА: Европското првенство ќе се одржи во 12 градови

Европската куќа на фудбалот (УЕФА), се огласи по повод шпекулациите, дека Европското првенство би можело да се одржи во само една држава.

УЕФА објави дека не планира да го смени форматот на Европското првенство во 2021 година, по шпекулациите дека се разгледува можноста целиот турнир да се игра во Русија.

„УЕФА напорно работи за да може турнирот да се одржи во 12 држави“, се вели во соопштението на УЕФА.

Поради пандемијата со коронавирусот терминот на одржувањето на ЕП е преместен за една година, а и претседателот на УЕФА неодамна најави дека може да биде променет планот и да се игра на помалку од 12 градови.