Мехенгладбах броеше до шест, Атлетико не успеа да ја освои Москва

Борусија Мехенгладбах го „прегази“ Шахтјор со 6:0, додека Атлетико Мадрид не успеа да слави на гостувањето во Москва.

Атлетико добро го отвори мечот и поведе во 18-та минута со голот на Гименез. Меѓутоа, Локомотив успеа брзо да се врати во игра и израмни во 25-та минута. Судијата поради игра со рака во казнетиот простор покажа на белата точка, а сигурен реализатор беше Миранчук.

Во вториот дел Атлетико беше подобар противник и се обидуваше да стигне до трите бода, но не успеа да ги искористи шансите.

Борусија Мехенгладбах славеше со високи 6:0 на гостувањето кај Шахтјор.

Плеа го отвори резултатот, потоа Шахтјор си постигна автогол, па истиот играч зголеми на 3:0. Мехенгладбах тука не застана па во 44-та минута Бенсебаини зголеми на 4:0.

Ларс Стиндл во второто полувреме погоди за 5:0, а Плеа при самиот крај на мечот го комплетираше хет-трикот за конечни 6:0