Ништо од заминување, Нејмар бара нов договор од ПСЖ

Ѕвездата на Пари Сент Жермен, Нејмар конечно се премисли за напуштање на Париз и сака да остане во клубот, пренесува „Ле Паризиен“.

Актуелниот договор на Нејмар со ПСЖ трае до јуни 2022 година, а Бразилецот се надева дека наскоро клуот ќе му понуди нов долгорочен договор.

Весникот „АС“ исто така пишува дека нема ништо од неговото враќање во Барселона, Нејмар ја прифатил реалноста и сака да остане во ПСЖ.

Французите се уште не започнале преговори со Нејмар за продолжување на договорот, бидејќи сметаат дека тоа не е приоритет во моментов.

Нејмар годишно заработува 31 милион евра, па „светците“ не сакаат да му понудат покачување на платата, но сакаат да го задржат уште долго во Париз.