Не е добар, но е брат на Џиџо – Милан го доведува постариот Донарума!?

„Росонерите“ ќе направат се за да го задржат 18 годишниот голман.

Ситуацијата полека се смирува. Сеуште не се знае кој ќе изгуби Милан или Раиола, бидејќи како што изминува времето станува јасно дека Џанлуиџи Донарума не може да изгуби. Или ќе заврши во некој уште поголем клуб или ќе се смири со „росонерите“ и ќе стане легенда на клубот.

Милан прави се за да го задржи, а сега младиот голман доби интересен предлог што сигурно нема да го добие никаде на друго место.

Извршниот директор на италијанскиот клуб Марко Фасоне, покрај платата од пет милиони евра по сезона на Донарума му понудил и неговиот постар брат Анониј кој исто така е голман да дојде во Милан.

Антониј не е толку добар, има 27 години и брани за Астерас. Сега тој би можел, по заслуга на неговиот брат да направи огромен чекор во неговата кариера.