Леброн се изедначи со Џордан!

Лос Анџелес Лејкерси ја освоија титулата во НБА лигата, а за МВП во финалето беше прогласен Леброн Џејмс.

Заедно со одличниот Ентони Дејвис Леброн ги предводеше Лејкерси до титулата, а со оваа титула тој го изедначи достигнувањето на Мајкл Џордан.

Имено, Леброн стана само вториот играч во историјата на НБА кој четири пати бил прогласуван за МВП во финалната серија и исто толку во регуларната сезона.

За Леброн ова е четврта титула во кариерата. Претходно два пати ја освои титулата со Мајами и еднаш со Кливленд.

Во вчерашниот натпревар Леброн имаше  учинок од 28 поени, 14 скокови и 10 асистенции.