Дест: Не дојдов во Барса за Меси

Младиот американски фудбалер Сержињо Дест денес беше претставен како ново засилување на Барселона.

Дест во Барселона дојде од Ајакс и потпиша договор на пет години. Барселона за овој трансфер плати 20 милиони евра, а во Дест Каталонците гледаат долгорочно решение на позицијата лев бек.

Долго време Дест се поврзуваше и со Баерн, но кога стигнала понудата од Барселона работите се промениле. Преговорите не траеа долго, сега Дест објасни зошто ја избрал Барселона.

„Ја избрав Барселона затоа што имаат тренер од Холандија, а исто така неодамна ги напушти еден лев бек. Едноставно имав чувство дека овде ќе играм повеќе. Куман знае што можам да играм и важно ми е што тој верува во мене. Тука не сум поради Меси, но сигурно дека ќе биде убаво да се игра со него“, изјави Дест.