Бостон намали на 3:2 против Мајами и остана во игра за големото финале ?

Кошаркарите на Бостон Селтикс синоќа го совладаа Мајами Хит со 121:108 и со тоа намалија на 3:2 во финалната серија во Источната конференција.

Мајами синоќа ја имаше првата меч топка да се пласира во големото финале, но Бостон не се предаде лесно и успеа да остане во игра. Селтикси одиграа добар натпревар и на крајот заслужено славеа.

Кошаркарите на Хит подобро го отворија натпреварот и после првата четвртина водеа со 26:18. Бостон заигра нешто подобро во продолжение, а на пауза се замина со 58:51 за Мајами.

Меѓутоа во третата четвртина Бостон дојде до пресврт и го доведе натпреварот во своја корист. Селтикси играа фантастично што најдобро покажува фактот што третата четвртина ја добија со 41:25.

Во последната четвртина Мајами се обиде да се врати во натпреварот, но едноставно не успеа. На крајот Бостон славеше со 121:108 и намали на 3:2.

Бостон до победата ги предводеше Џејсон Татум со 31 поен, десет скокови и шест асистенции. Од друга страна, најефикасен кај Мајами беше Горан Драгиќ со 23 поени.