Може да биде најголемото засилување за Барса: Магијата на Кутињо ги воодушеви навивачите ?

Барселона во саботата на свој терен во пријателски натпревар го победи Елче со 1:0.

Каталонскиот клуб го одигра последниот пријателски натпревар пред почетокот на сезоната. Домашниот тим со минимални 1:0 го победија Елче, а единствениот погодок на натпреварот го постигна Гризман.

Деби во дресот на Барса запиша и Миралем Пјаниќ кој одигра триесетина минути. Но, она што навивачите ги израдува е фактот што Фелипе Кутињо беше прогласен за играч на натпреварот.

После позајмицата во Баерн бразилскиот играч се врати во Барса и сигурно е дека Коман ќе смета на неговите услуги. Се чини дека Кутињо ова лето може да биде најголемото засилување за Барселона доколку продолжи со одличните игри.

Една негова магија синоќа посебно го одбележи натпреварот и штета е што на крајот не резултираше со погодок.

?✨ @Phil_Coutinho pic.twitter.com/aBaEUALCXc

— FC Barcelona (@FCBarcelona_es) September 20, 2020