Куман: Меси имаше проблем со управата

Тренерот на Барселона Роналд Куман доби прашање од новинарите за неговиот однос со Лионел Меси кој беше пред заминување од Барселона.

Меси се обидуваше да замине меѓутоа клубот не му дозволи да го раскине договорот и бараше 700 милиони евра, јасно беше дека таа сума нема да ја плати ниту еден клуб. Аргентиенцот на крајот за целата работа да не заврши на суд остана во клубот.

Куман сега истакна дека тоа било конфликт помеѓу Меси и управата и дека тој нема никаков проблем со фудбалерот.

„Ситуацијата ја надминавме разумно. Тоа во главно беше конфликт на Меси со управата. Разговаравме и тој ќе продолжи да го дава максимумот за тимот како и вообичаено“, изјави Куман.