Oскар: Луиз и Вилијан ме викаа во Арсенал

Бразилецот Оскар пред неколку години ја изненади фудбалската јавност кога одлучи од Челзи да се пресели во Кина.

Оскар во Кина доби голем договор и заработи многу пари, а продолжи и да игра во добра форма како во Челзи. Затоа тој не е заборавен и европските клубови ги следат неговите настапи. Оскар сега потврди дека Давид Луиз и Вилијан во овој преоден рок го убедувале да дојде во Арсенал.

„Со Луиз и Вилијан сум во добра комуникација. Ми се јавија и ми кажаа дека сакааат да дојдам кај нив во Арсенал. Сепак, тоа беше тешко изводливо. Имам договор со Шангај и не е лесно да заминам. Сакам повторно да играм во Европа, но сега ми е добро во Кина. Ако се отвори можност, прв клуб кој би го избрал за враќање во Европа е Челзи“, изјави Оскар.