На кој играч Роналдо морал да му прави кафе и да му ги чисти копачките?

Луис Назарио Да Лима Роналдо сигурно ќе остане запаметен како еден од најдобрите играч иво историјата на фудбалот.

Роналдо поседуваше неверојатна брзина, агресивност, техника, но и дриблерски вештини, па така заслужено го доби епитетот „Феномен“. Сега легендарниот фудбалер имаше интервју со Валдано во кое помеѓу другото зборуваше и за Ромарио кој како постар играч барал од него да му прави кафе и да му ги чисти копачките.

„На почетокот Ромарио беше неверојатен кон мене. Многу пати бараше да му правам кафе, после тренинзите требаше да му ги чистам копачките и тоа пред сите во соблекувалната“, со насмевка се потсети Роналдо.

И Ромарио и Роналдо европската авантура ја стартуваа во ПСВ, интересно е што и вториот предизвик во Европа им беше идентичен. Двајцата настапуваа за Барселона.