На денешен ден Интер го доживеа еден од најголемите срамови во клупската историја

Поминаа точно 20 години од еден од најголемите срамови на Интер во историјата на славниот клуб.

На денешен ден во 2000. година Интер го играше реванш натпреварот од третото претколо во ЛШ и не успеа да го победи Хелсингборг.

Тимот од Шведска првиот дуел го добија со минимални 1:0, но избраниците на Марсело Липи беа доста поквалитетен ти и се очекуваше рутински да ја надокнадат негативата.

Сепак, во реваншот тоа не се случи. Натпреварот на Сан Сиро заврши со 0:0, а најголем трагичар на натпреварот беше Алваро Рекоба кој во судиското продолжение промаши пенал.

Хакан Шукур, Иван Заморано, Андреа Пирло, Кларенс Сидорф, Алваро Рекоба, Владимир Југовиќ, Иван Кордоба беа само некои од играчите кои настапија на овој натпревар.