Конте: Ќе биде тешко, но сакаме да покажеме дека сме најдобри

Тренерот на Интер, Антонио Конте знае дека неговиот тим го чека тешка задача против Севиља во финалето од Лига Европа.

Утре „нероаѕурите“ ќе играат против шпанскиот клуб во битка за трофејот, а Конте признава дека го очекува тежок меч.

„Ќе биде тежок меч, играме против тим со најголемо искуство во овој турнир. Треба да бидеме внимателни, но да ја играме нашата игра како што правевме до сега. Ова е финале и треба да покажеме на терен дека сме најдобри и да го подигнеме трофејот“, истакна Конте.

„Треба да играме со желба за победа и да го однесеме трофејот во Италија. Севиља исто така ја има истата идеја, треба да покажеме дека сме подобри“, додаде Конте.