Официјално: Вилијан е нов играч на Арсенал

Oд поодамна беше познато, а денес добивме и официјална потврда – Вилијан е нов играч на Арсенал.

32 годишниот бразилски крилен напаѓач го напушти Челзи после седум години и кариерата ќе ја продолжи во градскиот ривал од „Емирати“.

Вилијан претходно се договори со „топџиите“ и во клубот пристигнува како слободен играч. Арсенал денес овој трансфер и официјално го потврди.

„Верувам дека е играч кој може да направи разлика. Го следевме во последните неколку месеци, имавме јасна намера со офанзивецот и крилниот играч, тој е играч кој нуди повеќе опции. Има големо искуство и амбиција да придонесе овој клуб да го одведе онаму каде што припаѓа. Навистима бев импресиониран од разговорот кој го имав со него“, изјави Артета.

Вилијан потпиша договор на три години и ќе го носи дресот со број 12. Тој број некогаш го носеше Тиери Анри, а подоцна Оливие Жиру.

? New club. New colours. New beginnings.

? Welcome to The Arsenal, @WillianBorges88! ? pic.twitter.com/B7Tl01BXLe

— Arsenal (@Arsenal) August 14, 2020