Потресно сведоштво за смртта на Мајкл Оџо

Поранешниот кошаркар на Црвена Ѕвезда и член на репрезентацијата на Нигерија, Мајкл Оџо денеска почина на 27. годишна возраст додека тренирал индивидуално.

Нигериецот колабирал на тренингот, бил пренесен во најблиската болница, но веќе било доцна.

За српските медиуми кратка изјава даде сведок од настанот.

„Кошаркарот почина за време на тренинг. Тој се допре за ѕидот од салата под кошот и наеднаш падна на земјата.“

Оџо целата своја професионална кариера ја помина во Србија, а пред неколку месеци остана без клуб, но продолжи со тренинзи во Белград.

Со Црвена Звезда ја освои АБА лигата и српската лига во 2019. година.