Артета носи три ѕвезди и прави „дрим-тим“

Менаџерот на Арсенал, Микел Артета сака да донесе три големи засилувања во својот тим за да ја изврши трансформацијата што тој ја посакува.

 Желбата на Шпанецот е да ја смени формацијата на игра и „топџиите“ да дејствуваат во формација 4-3-3, што е многу повеќе во согласност со фудбалската филозофија на менаџерот.

Според „Тајмс“, трите главни трансфер цели се Филипе Кутињо (Барселона), Томас Парти (Атлетико Мадрид) и Вилијан (Челзи). Друг приоритет е нов договор за најдобриот стрелец на тимот Пјер-Емерик Обамејанг.

Што се однесува до Вилијан и Кутињо се многу блиску до трансфер на „Емирати“, додека за Парти преговорите се започнати, но Атлетико сака да го задржи, па „топџиите“ ќе мора да ја платат откупната клаузула од 50 милиони фунти.

За да се дополни буџетот за трансфери и плати, клубот може да се раздели со девет играчи од сегашниот состав. Меѓу нив се Сократ Папастатопулос, Матео Гендузи, Лукас Тореира, Хенрих Мхитарјан, Сеад Колашинац, Шкодран Мустафи и Роб Холдинг.

Mikel Arteta wants to switch to a 4-3-3 formation next season and is aiming to sign Thomas Partey, Coutinho and Willian. Arsenal want to tie down Aubameyang and Emi Martinez to new deals. [The Times] pic.twitter.com/XoTnRHwJ9q

— Transfer News (@TransfersLlVE) August 3, 2020