На Олд Трафорд пристигнува засилување од Волвс

Манчестер Јунајтед фантастично ја доигра сезоната после паузата и обезбеди директен пласман во ЛШ.

Оле Гунар Солскјер и неговата екипа се најпријатно изненадување во продолжение од сезоната. Со одличните резултати се пласираа дури на третото место и обезбедија директен пласман во ЛШ.

Сепак, норвешкиот стручњак пред новата сезона сака дополнително да ја засили екипата. Главна цел е да се донесе напаѓач бидејќи на оваа позиција го имаат само Игало, а по потреба играат уште Рашфорд и Марсијал.

Англиските медиуми пишуваат дека прва желба на Солскјер е Раул Хименез, играчот на Волвс. Солскјер верува дека овој Мексиканец добро ќе се вклопи во неговиот тим, па челниците на клубот веќе започнале преговори со Волците.

Хименез во претходната сезона одигра 53 натпревари во сите натпреварувања, постигна 26 погодоци и запиша десет асистенции.