Играчите на Барселона го сакаат Клајверт за тренер

Играчите на Барселона сакаат Кике Сетиен да го напушти клубот и веќе го избраа неговиот наследник.

Од Сетиен многу се очекуваше кога доби прилика да го превземе гигантот од Каталонија, но само шест месеци подоцна се наоѓа на излезни врати и изгледа дека само прашање на време е кога ќе добие отказ.

Раководството најверојатно ќе му дозволи да ја доигра сезоната и да се обиде да ја освои Лигата на шампиони, но веќе размислува за нов тренер.

Според „Мундо Депортиво“ играчите лобираат за кандидатурата на Патрик Клајверт за нов тренер. 44-годишниот Холанѓанец е директор на академијата на Барселона.

Клајверт нема големо тренерско искуство, но беше помошник во АЗ Алкмар, холандската и камерунската репрезентација. Претходно ги водеше младинците на Ајакс и Твенте.

Papers: Barcelona squad want Patrick Kluivert to replace Quique Setien https://t.co/nTzA8C7TYD

— Barça Blaugranes (@BlaugranesBarca) July 19, 2020