Пјаниќ покажа дека е голем професионалец

Mиралем Пјаниќ вчера престојуваше во Луксембург каде што и приреди прослава по повод неговиот трансфер во Барселона.

Пред неколку дена беше соопштено дека Пјаниќ на крајот од сезоната ќе го напушти Јувентус и кариерата ќе ја продолжи во Барселона со која потпиша договор до 2024 година.

Пјаниќ доби неколку дена одмор од Јувентус, а од утре ќе се врати во тимот бидејќи Јуве во сабота го очекува натпревар против Торино. Слободниот период Пјаниќ го искористи и да игра малку тенис.

Она што многумина забележија на фотографијата која ја објави е што босанскиот репрезентативец носи дрес о Јувентус. Со тоа покажа дека останува професионалец до крајот на својот престој во Торино.