Казорла и на 35 години би можел да направи нов трансфер

Играчот на Виљареал, Санти Казорла би можел кариерата да ја продолжи во Турција.

Иако веќе има 35 години Казорла и оваа сезона игра одличен фудбал, запиша девет асистенции и постигна 12 гола. Така дефинитивно даде до знаење дека се уште може да игра на високо ниво.

Шпански „АС“ денес пишува дека за Казорла имало интерес од Турција и тоа од тимот на Бешикташ. Ќе потсетиме неодамна се шпекулираше дека за Казорла заинтересиран е Ал Сад каде што тренер е Чави Ернандез. Самиот фудбалер неодамна изјави дека му е желба да одигра барем уште еден натпревар за Арсенал.

„Не знам дали тоа ќе биде можно или не, но пред заминувањето во пензија сакам да одиграм уште еден атпревар за Арсенал. Жалам што не можев достојно да се простам“, изјави шпанскиот фудбалер на почетокот на година.

Инаку, Казорла во Арсенал ги помина најдобрите денови во кариерата. Во овој клуб помина шест сезони, претходно беше член на Малага.