„Газета“ пред рестартот му се поклони на „Гранде Пандев“: Колку е постар, толку е подобар!

Македонскиот капитен Горан Панев е фудбалски поим и не само кај нас туку и во Италија, тоа го докажува и денешниот текст на еден од најпознатите италијански медиуми „Газета дело Спорт“.

Серија А продолжува на 20. јуни, а „Газета“ очекува токму Пандев да биде еден од најглавните играчи на Џенова по рестартот на сезоната.

Во текстот се потенцира дека Пандев иако има 36 години изгледа како со секоја година да е се подобар. Актуелната сезона во која Пандев постигна седум гола весникот ја опишува како најдобра во последните неколку години на македонскиот капитен.

Џенова по „рестартот“ ја очекува тешка борба за опстанок, а токму Пандев ќе биде еден од главните адути на тренерот Давиде Никола.