Екипата на Голден Стејт води сп 2:0 во финалната серија против Кливленд Кавалирс откако синоќа убедливо го совладаа актуелниот шампион, овој пат со 132:113.
Голден Стејт, во својата „Оракл“ арена, отпорот на Кливленд го скрши во второто полувреме. Големата тројка на Вориорс (Дурент-Кари-Томпсон) постигна 87 од 132. поена на својот тим. На спротивната страна Леброн Џејмс повторно немаше поддршка од соиграчите, на своето вообичаено ниво беше само Кевин Лав.
Воздухот што нè убива: Зошто Скопје е меѓу најзагадените градови?
Дуелот помеѓу најдобрите тимови во лигата беше израмнет во првото полувреме (67:64), во третата четвртина Голден Стејт создаде предност од 14 поени, која во последниот период константно ја зголемуваа.
Кевин Дурент имаше ефект од 33 поени, 13 скокови и шест асистенции, Стеф Кари оствари трипл-дабл (32 поени, 11 асистенции и 10 скокови), а Клеј Томпсон постигна 22 коша.
Трипл-дабл во редовите на Кливленд оствари Леброн Џејмс (29 поени, 14 асистенции, 11 скокови). Одличен меч одигра и Кевин Лав (27 поени, 7 скокови), додека Кајри Ирвинг постигна 19 поени, но погоди само осум од 23-те обиди од поле.
Учество во игри на среќа е дозволено за лица со 18+ години. Играј одговорно!