Калараш останува во Вардар, договорен и нов голман

Ракометниот клуб Вардар веќе подолго време се соочува со финансиски проблеми, а поради тоа клубот го напуштија неколку играчи од шампионскиот тим.

Сепак, Вардарци работат на нови засилувања, како и на зачувување на дел од сегашниот ростер.

Откако клубот претходно потврди дека Чупиќ, Стоилов, Дибиров и Дисингер остануваат во црвено-црниот дрес, вечерва пристигна уште една убава вест, а тоа е дека Калараш останува верен на клубот.

Во исто време клубот договори и трет голман. Станува збор за Французинот Робин Кантегрел, 25-годишен голман кој досега настапуваше во екипата на Сесоњ-Рен. Кантегрел ќе го бара своето место во тимот во конкуренција на Ристовски и Кизиќ.