Преговорите во напредна фаза: Јовиќ се поблиску до Милан

Лука Јовиќ после само една сезона би можел да го напушти Реал Мадрид и да се пресели во Серија А.

Српскиот напаѓач беше донесен од Ајнтрахт за 60 милиони евра, но не ги оправда очекувањата. Ретко добива шанса, а шпански „Дон Балон“ пишува дека е „пречкртан“ во плановите на Зинедин Зидан.

„Марка“ наведува дека прв во редот заинтересирани за неговите услуги е италијанскиот гигант Милан, кој веќе започнал преговори со Реал Мадрид.

Јовиќ е прва желба на раководството на „росонерите“ кои следната сезона сакаат да го формираат тандемот Ребиќ – Јовиќ.

Последните информации од Апенините се дека Јовиќ веќе му кажал ДА на Милан и „росонерите“, а Реал за неговата слобода бара 40 милиони евра.

Милан е спремен да понуди 35 милиони плус бонуси, па двата клуба се блиску до договор.