Алиоски станува соиграч со поранешниот репрезентативен голман на Англија?

Поранешниот англиски репрезентативец, Џо Харт наскоро би можел да пронајде нов клуб.

Харт, кој денес има 33 години ќе биде слободен агент на лето и ќе побара нов клуб.

Порталот „Фудбал Инсајдер“ пренесува дека засега најсериозен кандидат за негово доведување е  тимот во кој настапува македонскиот репрезентативец, Езгјан Алиоски, Лидс.

Лидс е лидер во Чемпионшип и ако сезоната продолжи веројатно ќе нема проблем да се пласира во друштвото на најдобрите. Клубот може да остане без првиот чувар на мрежата Кико Касиља, а Харт би требало да дојде како негова замена.

Поранешниот голман на Манчестер Сити наводно е спремен и да ја намали платата за да потпише за Лидс.

Инаку, во овој момент Харт е член на Барнли за кој настапува од летото 2018 година, сезонава го изгуби местото во стартниот тим и во целата сезона настапи само на три натпревари.