Гери Невил: Санчо е далеку од најдобрите во светот

Бившиот англиски репрезентативец Гери Невил смета дека Џејдон Санчо не е фудбалер од светска класа.

20-годишниот Англичанец блеска во дресот на Борусија Дортмунд и за него се „тепаат“ гигантите од Премиер лигата.

Санчо веќе подолго време се поврзува со трансфер на „Олд Трафорд“, а Гери Невил смета дека тој не е меѓу најдобрите фудбалери на светот.

„Да бидам искрен, малку се занесуваме кога е во прашање Санчо. Мислам дека во Англија има многу одлични фудбалери, но постојат други играчи и во Бразил, Аргентина и во останатите земји“, истакна Невил.

„Не верувам дека имаме златна генерација, не би го рекол тоа. Велите дека генерацијата на Бекам, Џерард, Лампард и Руни беше златна, но Бразил ги имаше Роналдо, Ривалдо и Ронадлдињо каква е тогаш таа генерација? Чекајте малку, Аргентина ги има Агуеро, Игуаин, Меси и Ди Марија. Каде се тие во однос на Санчо, Џејдон не е ниту блиску до нив. Тој е талент, но мора да освојува трофеи за да може да се споредува со споменатите играчи“, заклучи Невил.