Крај на една ГОЛЕМА одисеја: Легендата по 10 години го напушта Ливерпул !

Според неофицијални информации од турските медиуми, Бешикташ испратил понуда до Ливерпул за нивниот искусен играч, Лукас Леива.

Се очекува Бразилецот наскоро да ја заврши 10-годишната епизода на „Енфилд“, додека повеќе европски клубови се заинтересирани за неговите услуги.

Според информациите од турскиот фанатик, Бешикташ веќе ги започнал преговорите за Леива да го донесе во Турција, а Бразилецот, бара плата од 4,2 милиони фунти по сезона. Изгледа дека турскиот гигант е подготвен да му го понуди овој износ на Леива, а дополнителен мотив за Леива да стане член на Бешикташ е тоа што турскиот клуб ќе игра во Лигата на Шампионите следната сезона.

Лукас Леива е играчот со најдолг стаж во Ливерпул, но сега неговиот договор е пред истекување, а со оглед на тоа дека Бешикташ е еден од ретките клубови кој е подготен да му ги плаќа високите примања кои ги бара, големи се шансите следната сезона Леива да го видиме во Супер лигата.