Минатото лето остана, сега заминува, но каде?

На повидок е голем трансфер во редовите на Лестер.

Еден од најдобрите фудбалери на минатогодишниот англиски шампион, денес соопшти дека е спремен да го направи следниот чекор во кариерата.

Марез минатото лето беше блиску до заминување,  но сепак се одлучи да остане, после освоената титула и пласманот во Лигата на шампионите.

„Со сета почит кон фудбалскиот клуб Лестер и неговите фанови, сакам да бидам отворен и искрен. Му соопштив на клубот дека е време да направам нов чекор. Минатото лето имав отворен разговор со претседателот и се договоривме да останам уште една година за да му помогнам на клубот во развојот и Лигата на шампионите. Амбициозен сум и чуствувам дека е вистински момент да пробам нешто ново. Имав четири фантастични сезони тука и  со сите во клубот сум во добри односи“, искрен беше Марез.

Неговата вредност се проценува на околу 40 милиони евра, минатото лето го сакаа Арсенал, Челзи и Барселона, а ќе видиме што ќе се случи после слабата сезона.