Легендарниот претседател на Реал Мадрид почина од коронавирусот

Легендарниот претседател на Реал Мадрид, Лоренцо Санс ја загуби битката за коронавирусот и почина на 75-годишна возраст.

Уште пред неколку дена се појави информацијата дека 75-годишниот Санс е заболен од ковид-19, а поради проблеми со инфекција на бубрезите тој не можеше да се избори со смртоносниот вирус. Тој од самото дијагностицирање на болеста беше префрлен на интензивна нега, но лекарите не успеаја да се изборат за неговиот живот.

Лоренцо Санс беше претседател на Реал Мадрид во периодот од 1995 до 2000 година, период во кој „кралевите“ освоија две титули во Лигата на шампиони и редица други трофеи.