Жесус: Не се залажуваме, тоа е Реал Мадрид

Напаѓачот на Манчестер Сити, Габриел Жесус, покажа почит кон Реал Мадрид и не ги отпиша „кралевите“ пред реваншот на „Етихад“ и покрај победата од 2:1 на „Сантијаго Бернабеу“.

„Јас сум многу среќен, мојот гол беше еден од најважните и најзначајните во мојата кариера. Беше многу тежок натпревар, сите ја знаеме големината и тежината на Реал Мадрид. Затоа сум среќен и сигурно ќе ја паметам секогаш таа голема ноќ. Но, сега треба да се фокусираме на реваншот. Се уште ништо не е решено. Не се залажуваме, тоа е Реал Мадрид. Тие имаат многу квалитети и мора да бидеме сконцентрирани“, изјави Жесус.

„Дали очекував да бидам стартер? Секогаш сме кажувале дека во Сити имам повеќе од 11 стартери. Сите играчи кои го носат овој дрес треба секогаш да бидат спремни и да се чувствуваат како стартери. Навивачите сакаат да се бориме за сите трофеи“, изјави Бразилец.

Jesus on goal and controversy: "I was only looking at the ball, we fought for position…" https://t.co/f08S0UXBn8

— AS English (@English_AS) February 28, 2020