Серафимов избега од Вардар за да игра во – втората лига во Чешка!

Mладиот талент на Вардар Никола Серафимов кој иако беше од најмали нози во таборот на црвено-црните летово на непријателски начин се раздели од клубот.

Серафимов си замина од Вардар откако поднесе тужба против клубот поради финансиските проблеми. Како најсериозен кандидат за неговиот потпис беше српски Вождовац, се споменуваше и хрватски Осијек, за сега на крајот Серафимов да заврши во – втората лига во Чешка!

Новиот клуб на вардаровото дете ќе биде Височина Јихлава кој игра во втората лига во Чешка. Јихлава се наоѓа на втората позиција и се бори за промоција во првата лига.

 Овој клуб објави дека Серафимов ги започнал подготовките, па се очекува наскоро и официјално да го претстави.