ФИБА не верува дека Македонија може на ЕП

Утре кошаркарската репрезентација на Македонија ќе ги започне квалификациите за Европското првенство во 2021 година.

Прв противник на Македонија во салата „Борис Трајковски“ ќе и биде Естонија. Пред стартот на квалификациите ФИБА објави ранг листа на селекциите кои ќе се борат за пласман.

ФИБА на оваа ранг листа покажа дека не верува многу во нашата селекција и ја смести на 29. позиција. Послабо рангирани од нас се само Швајцарија, Романија и Австрија.

„Ако претпоставиме дека Италија и Русија се пресилни во оваа група тоа значи дека натпреварот помеѓу Македонија и Естонија во четврток може да одлучи се во групата. Тој е прв натпревар во таа група“, стои во објаснувањето на ФИБА.

Нашиот противник Естонија е рангирана три места пред нас. Италија и Русија исто така се во нашата група се на 6. и 7. место.