Интер понуди 70 милиони за дуото на Рома!

Италијанските медиуми пренесуваат дека раковоството на Интер е спремно да плати 70 милиони евра за две ѕвезди на Рома.

Интер од следната сезона ќе биде предводен од Лучијано Спалети кој со себе на „Џузепе Меаца“ сака да ги донесе дефанзивецот Рудигер и играчот за врска Наинголан.

Раководството сака да му ја исполни желбата на новиот тренер и веќе испратило првична понуда од 70 милиони евра за двајцата фудбалери, но „волчицата“ веднаш ја одбила.

Рома му поарача на „нероаѕурите“ дека доколку сакаат да го добијат потписот на еден од овоие двајца фудбалери треба да платат 50 милиони евра.

Понудата на „нероаѕурите“ за Наинголан и Рудигер во моментов е за цели 30 милиони евра помала, но Интер не се откажува од намерата да го донесе дуото на Рома во своите редови.