Касиљас се кандидира за претседател на Шпанската федерација

Легендарниот шпански голман, Икер Касиљас се кандидираше за претседател на Фудбалската федерација на Шпанија.

Пред неполна година Касиљас доживеа срцев удар, па иако излезе од болница по пет дена и се врати на тренинзите во Порто, сепак, нема повторно да застане меѓу стативите и стави крај на професионалната кариера.

Според информациите од Шпанија, 38-годишниот голман го информирал Врховниот спортски суд дека ќе се кандидира за претседател на Федерацијата и ќе биде единствен противкандидат на Луис Рубиалес на изборите во мај. Икер уште од сега ужива голема поддршка од навивачите и поранешните колеги во репрезентацијата.

Касиљас беше член на Реал Мадрид цели 16 години, период во кој забележа преку 700 настапи за „кралскиот“ клуб, каде стекна легендарен статус, а во 2015 година направи трансфер во Порто.

?⚽? NOTICIA SER

Informa @manucarreno

IKER CASILLAS anuncia su candidatura a la presidencia de la RFEF

El portero le ha comunicado al CSD que se presentará contra Luis Rubiales se adelanten o no las elecciones previstas para este 2020

????????????https://t.co/vYSxAFGF3t pic.twitter.com/YBAXwwGSnT

— El Larguero (@ellarguero) February 11, 2020