Мадрид во еуфорија: Миленикот се враќа дома?!

Аргентинецот од редовите на ПСЖ наскоро би можел да го напушти клубот од Париз.

Анхел Ди Мариа пред две години пристигна во ПСЖ како големо засилување од Манчестер Јунајтед, но веќе неколку месеци се шпекулира дека Аргентинецот би можел да го напушти Париз.

Ди Мариа призна дека има неколку понуди, но сеуште не ја донел конечната одлука, дали ќе го напушти францускиот клуб.

Меѓутоа, медиумите во Франција денес пренесуваат дека пристигнала понуда која тој нема да може да ја одбие. Наводно, на изненадување на многумина, Реал Мадрид сака да го врати Аргентинецот на „Сантијаго Бернабеу“.

Големо изненадување беше и што Реал пред скоро три години го пушти Ди Мариа во Манчестер, но изгледа Аргентинецот ќе има шанса повторно да му се оствари желбата да се врати во дресот на „кралевите“.