Ѕвездата на Арсенал се уште не избрал репрезентација: Бразил или Италија?

Младиот напаѓач на Арсенал, Габриел Мартинели оваа сезона ги воодушеви сите со своите настапи за „топџиите“ и веднаш покажа дека станува збор за еден од најголемите светски таленти.

Овој 18-годишен талент важи за голема надеж на бразилскиот фудбал, но се уште не добил повик од бразилската репрезентација.

Мартинели признава дека тоа е негов сон, но не ја исклучува можноста да заигра за Италија.

„Бразилец сум и нормално дека мојот сон е да играм за Бразил, но не сум добил никаков повик од Бразил. Имам италијански пасош и можам да играм за „аѕурите“. Се уште не сум одлучил“, изјави Мартинели.

Талентираниот напаѓач минатото лесто пристигна во Арсенал и засега шанса во главно добива од клупата, но веќе запиша 19 настапи.