Мурињо почна преговори со ѕвездата на Тотенхем

Англиските медиуми пренесуваат дека Тотенхем започнал преговори со Атлетико Мадрид за крилниот фудбалер Томас Лемар.

Французинот нема добра сезона и ретко добива шанса кај Симеоне, па е спремен да ја промени средината во потрага по поголема минутажа.

Мурињо сака да ја искористи таквата шанса и да го донесе во својот тим, бидејќи Лемар може да игра на повеќе позиции во нападот.

Тотенхем не сака да прави големи трошоци во зимскиот преоден рок, па „спарси“ на Атлетико му нудат платена позајмица до крајот на сезоната со право на откуп следното лето.

Лемар пристигна во Атлетико во 2018 година за 60 милиони евра, но сегашната негова вредност е двојно помала. Тотенхем ќе инсистира на овој трансфер доколку повредата на Хари Кејн се покаже сериозна, па Сон ќе мора да игра како централен напаѓач.