Сан Сиро спремен за пречек на Златан Ибрахимовиќ

Златан Ибрахимовиќ после две години во американската МЛС одлучи да се врати во Европа.

Ибрахимовиќ имаше неколку понуди, но на крајот реши да потпише за Милан и да се врати во клубот од Сан Сиро. Иако има 38 години, Ибрахимовиќ покажа дека има уште многу да покаже.

Росонерите беа најконкретни во преговорите и Ибра потпиша договор до крајот на оваа сезона со опција да го продолжи на уште една година. Навивачите на Милан се нестрпливи, а за пречек на Швеѓанецот се е спремно.

Италијанските медиуми пренесуваат дека Ибрахимовиќ утре ќе дојде на лекарски прегледи, по што ќе потпише договор и ќе биде официјално претставен на Сан Сиро.

Неговото пристигнување предизвика голем интерес кај навивачите и се очекува утре Сан Сиро да биде прилично исполнет. По презентацијата, Ибрахимовиќ ќе го направи својот прв тренинг со играчите на Милан.