Познато кога Ибрахимовиќ ќе биде претставен и кога ќе дебитира за Милан

Искусниот шведски напаѓач Златан Ибрахимовиќ пред неколку дена и официјално потпиша договор со Милан.

Ибрахимовиќ во претходните две сезони настапуваше во американски МЛС, а откако му истече договорот се врати во Европа.

Иако има 38 години Ибра покажа дека се уште може да игра на високо ниво. Милан беше најконкретен и го врати на „Сан Сиро“.

Италијанските медиуми пренесуваат дека Ибрахимовиќ официјално ќе би претставен во петок, а набрзо потоа и ќе дебитира.

Како што пишува „Калчомеркато“ Ибрахимовиќ на теренот ќе го видиме на 6. јануари кога „росонерите“ ќе играат против Сампдорија.