Веспрем продолжува да го „делка“ Вардар!

Унгарски Веспрем како да сака да направи цел тим од поранешни ракометари на Вардар.

Во последните години Веспрем доведе бројни ракометари на црвено-црните, а последен во низата изгледа ќе биде Данил Шишкарев.

Според последните најави Шишкарев од идната сезона ќе го носи дресот на унгарскиот тим. Шишкарев е еден од играчите најдолг стаж во Вардар, во Скопје е од 2014 година и беше дел од походот по двете европски титули.

Ако се остварат ваквите најави Шишкарев ќе им се придружи на Штербик, Манасков, Мораес, Борозан и тренерот Дејвис кои во минатото беа дел од Вардар, а сега се во редовите на Веспрем.

Фото: РК Вардар