Газета: Се спрема трампа помеѓу ПСЖ и Јувентус

Jувентус и ПСЖ наводно започнале преговори за размена на играчите.

„Газета дело Спорт“ објави дека двата клуба се во контакт и дека се преговара за можна размена во која незадоволниот Емре Чан би се упатил во Париз, додека во Торино би пристигнал Леандро Паредес.

Вредноста на двата играчи се проценува на околу 40 милиони евра и поради тоа оваа размена изгледа како реална можност.

Чан од поодамна се поврзува со напуштање на Јувентус бидејќи падна во втор клуб, од друга страна пак тренерот на ПСЖ, Томас Тухел е голем обожавател на неговите квалитети.

Германскиот репрезентативец сезонава беше стартер само на два натпревари во Серија А и јавно зборуваше дека е незадоволен од својот статус. Доколку се случи оваа размена, Паредес би се вратил во Серија А каде што пред да замине во Зенит играше за Рома.