Карагер го избра тимот на декадата на Ливерпул (ФОТО)

Откако Гери Невил го избра најдобриот тим во изминатата декада на Манчестер Јунајтед, сега Џејми Карагер тоа го направи за Ливерпул.

„Црвените“ во изминатите десет години поминаа низ многу турбулентен период, а во последните сезони се вратија во самиот врв на европскиот фудбал. Ливерпул конечно после чекање од 30 години е на добар пат да ја освои титулата во Премиер лигата.

Карагер веќе неколку години работи како стручен коментатор на „Скај Спорт“, а овој пат го избра најдобриот тим на Ливерпул во изминатата декада.

За разлика од Невил кој во тимот на декадата на Јунајтед смести само двајца актуелни играчи на „црвените ѓаволи“, Карагер избра дури деветмина од четата Клоп. Двајцата кои не се дел од овој тим на Ливерпул се Стивен Џерард и Луис Суарез.