Не е само Ибра, во Милан доаѓа и играч на Арсенал

Милан игра лошо од почетокот на сезоната, па јасно дека „росонерите“ ќе бидат активни на трансфер пазарот.

Италијанските медиуми попладнево објавија дека се е спремно за враќањето на Златан Ибрахимовиќ на „Сан Сиро“, но тоа нема да биде единственото засилување за „росонерите“.

Имено, миланскиот клуб сака да го засили средниот ред и е во напредни преговори со египетскиот репрезентативец Мохамед Елнени.

Елнени е играч на Арсенал, но оваа сезона настапува како позајмен фудбалер во Бешикташ, а неговиот агент потврди дека е пред трансфер во Милан.

„Преговорите помеѓу Елнени и Милан се во напредна фаза, но договорот се уште не е потпишан. Верувам дека во најскоро време ќе биде играч на Милан. Мохамед игра одлично во Бешикташ, но сака да игра во поголем клуб и во посилно првенство“, потврди агентот на Елнени.