Норвежаните тврдат: Халанд отпатувал за Манчестер!

Норвешките медиуми тврдат дека Ерлинг Халанд во овие моменти патува за Англија, поточно за Манчестер каде што ќе има преговори со луѓето од овој клуб.

Наводно тој со својот татко пред околу еден час од Норвешка се упатиле за Англија. Халанд се поврзуваше со голем број тимови, а на натпреварот против Ливерпул во Лигата на шампионите го следеа дури 40 скаути.

Сепак, изгледа неговиот избор паднал на Манчестер Јунајтед и ако се водиме по она што го пишуваат Норвежаните трансферот наскоро би требало да биде завршен.

Солскјер не криеше дека му се допаѓа стилот на игра на овој млад фудбалер кој од јануари би можеле да го гледам во дресот на Јунајтед.