Роналдо: Реал Мадрид? Може, но не сега

Кристиано Роналдо летото 2018 година во трансфер вреден 100 милиони евра премина од Реал Мадрид во Јувентус.

Јувентус на титулата во Европа чека долго време и токму поради тоа клубот го доведе Роналдо.

Во првата сезона на Роналдо стигнаа до четвртфиналето каде што ги запре Ајакс, а оваа сезона без поголеми проблеми ја поминаа групната фаза.

Еден од потенцијалните противници на Јувентус во осминафиналето е Реал Мадрид и Роналдо сака да игра против својот поранешен тим, но во финалето.

„Реал Мадрид во осминафиналето? Тие се извонреден тим, но не би сакал да играме во оваа фаза против нив, можеби во финалето. Би потпишал за такво нешто“, изјави Роналдо.

Роналдо во досегашниот дел од Лигата на шампионите постигна два гола. Ждребот за осминафинлето е во понедленик.