Гвардиола во јануари тргнува по Умтити

Менаџерот на Манчестер Сити, Пеп Гвардиола би можел во јануарскиот преоден рок да „пазари“ од својот поранешен клуб Барселона.

Англиските медиуми тврдат дека „граѓаните“ се во потрага по дефанзивец после повредата на Енерик Лапорт и неколку дефанзивци се поврзуваат со трансфер на „Емирати“.

Иако Гвардиола неодамна изјави дека нема да купува нови играчи во јануари, сепак медиумите на Островиот инсистираат дека ќе биде донесен еден дефанзивец.

Еминентниот „Екип“ тврди дека првата желба е дефанзивецот на Барселона Самуел Умтити. Французинот поради серијата на повреди го загуби местото во првиот тим на Каталонците и оваа сезона одигра само 4 меча.

Умтити е спремен да ја промени средината и е отворен за преселба во Премиер лигата, па останува да видиме дали двата клуба ќе успеат да се договорат околу обештетувањето.

? RUMOUR: Manchester City will consider making an offer for Barcelona’s Samuel Umtiti in January as they look to strengthen their defensive options.

? SOURCE: L’Equipe#TransferNews #MCFC pic.twitter.com/taxQM6AM9E

— Transfer Site (@TransferSite) December 9, 2019