Неизвесно дали Манџукиќ ќе игра во финалето на Купот на Италија

Неизвесен е настапот на Марио Манџукиќ напаѓачот на Јувентус во финалето на Купот на Италија кој ќе се игра вечер.

Хрватскиот репрезентативец има проблеми со грбот, повреда со која се здоби во неделниот натпревар во кој Јувентус загуби од Рома со 3:1.

Тој сезонава е еден од клучните играчи во тимот на Масимилиано Алегри и тоа во нова улога на лево крило во формацијата 4-2-3-1, со која Јувентус игра најчесто во текот на сезоната. Поранешниот фудбалер на Загреб, Динамо, Волфсбург, Баерн Минхен и Атлетико Мадрид, годинава одигра 46 натпревари за „бјанко-нерите“ и постигна 9 гола.

Тимот на Јувентус сезонава атакува на три трофеи.

На две кола до крајот на Серија А има четири бодови повеќе од Рома и е на дофат до новата шампионска титула. Во финалето на националниот куп в среда за противник ќе ја има екипата на Лацио, додека за трофејот во Лигата на шампионите Јувентус ќе се бори со актуелниот европски првак Реал Мадрид во финалето на 3 јуни во Кардиф.